2 IKASLERENTZAKO ETXEA

 Lauhilabetekoa aurrera joan ahala, ikasitako guztiak gero eta multzo handiagoa egiten du eta gure proiektu edo proposamenak orduan eta zailagoak eta landuagoak izatea exijitzen du honek. Aurreko klasean eginiko proiektukako laburpen eta ideia nagusien biltketak eraman gintuen hausnarketa sakona praktikan jartzeko aukera paregabea eduki dugu honeko proposamenean.

 Tailer bateraturako, kurtso osoan zehar aztertutako modulo edo habitakuloan oinarrituta, 2 ikaslerentzako etxebizitza bat egiteko eskatu zaigu, bertako protagonista edo elementu garrantzitsutzat eskailera bat izanik, etxe honek bi solairu eduki beharko baititu.

Asko izan dira kontutan hartu beharreko aspektuak, hala nola, intimitatea, inguruko espazioaren transitoa, kokapena, espazio mugatuak... Hala ere nire azken emaitza pertsonalarekin pozik amaitu dut proiektua, baina beti zuzenketa edo perfekzionatzearen esperoan.

LOGELA

Amaitutzat ematen dut horrela nire ikasle-logelaren diseinua. Irakasleen zuzenketaren ondoren, aurreko diseinuaren distribuzioa eta guneen banaketa hobetuta. Kartoiaren kolore desberdinak aprobetxatu ditut, kasu honetan zuriz jarri ditut hormak lehio zabaletik sartzen den argi naturalak eragin handiagoa eduki dezan eta horrela espazio gehiago lortzeko asmoz.



Komunean ikus dezakezuenez, sartu hutsarekin ispilua eta lababoa dira nagusi, komuneko ontzia ezkutuan geratzen da hormaren kontra, intimitate gehiago eduki dezagun. Dutxari dagokionez, nahiko irekia utzi dut, beira batek banatzen duelarik gainontzeko komun zatitik, transparentzia nagusituz.

Guneak desberdintzeko, irakurketa toki bateratu dut, diseinuzko aulki batekin. Aulki hau Verner Pantonek egin zuen, C1 izenpean. Kurba huts batekin lor dezakeenak inspiratu nau, "gutxi gehiago da" Miesen esaldi ezaguna gogorarazi dit eta diseinua pertsonalki benetan gustoko izan dut. 

Eguna amaitzean arrastiko edo ilunabarreko argi ahulpean zerbait interesgarria irakurtzeko paraa ematen duen txoko egokia iruditzen zait.

Lantokia deskribatu berri dudan gunetik hurbil dago, sarreran. Lehiotik sartzen den argiak aurrez-aurre ematen du era egokian lan egiteko aukera. Mahaia arkitektura ikasleetan pentsatuz, erreklinagarria da, edozein marrazketa motarako hoberena. Hemengo aulkia ere diseinuzkoa da, Vitratik inspiratutako High Work lineakoa hain zuzen, nahiz eta maketan errealitatean ez bezala ikusi, benetakoak gurpilak baititu mugimendua eta desp,azamendua errazteko (lanean hain mahai handi batean ari garenean asko eskertzen den gauza bat, egia esan).